АНУ-ын зүүн хойд бүс нутгийг бямба гарагт намрын хүчтэй шуурга дайрч, ширүүн бороо, хүчтэй салхи дагууллаа.
Энэхүү ер бусын хүчтэй шуурганы улмаас олон зуун нислэг цуцлагдаж, хэдэн арван мянган хүн цахилгаан эрчим хүчгүй болсон байна. Зүүн хойноос чиглэлтэй салхилдаг тул "nor'easter" хэмээн нэрлэгддэг уг байгалийн үзэгдэлд Нью-Йорк, Бостон болон Филадельфи зэрэг томоохон хотууд өртөөд байна.
Албаныхан бүс нутагт их хэмжээний үер буух болон авто замууд хаагдаж болзошгүйг анхааруулжээ. Түүнчлэн уг шуурга Атлантын далайн дунд эргийн бүсээр эрэг орчмын томоохон үер авчрах төлөвтэй байгааг холбогдох эх сурвалжууд мэдээлсэн байна.
