Аялалд гарахад ачаа тээшээ бэлтгэх нь тийм ч амар ажил биш байдаг. Тэгвэл Mashable сайтын Мэтт Биндер аяллын үеэр авч явах камерын сонголтыг хэрхэн хөнгөвчилж болох талаарх өөрийн туршлагаасаа хуваалцжээ. Тэрбээр өмнө нь Nikon Coolpix зэрэг энгийн жижиг камер, Panasonic Lumix зэрэг тольгүй камер, Sony FX30 зэрэг үнэтэй киноны төхөөрөмж болон Flip Video хүртэл олон төрлийн камер ашиглаж байсан ч энэ жил аяллын ачааг мэдэгдэхүйц хөнгөлсөн төгс төхөөрөмжийг олсон гэдгээ тэмдэглэсэн байна.
Энэхүү төхөөрөмж нь DJI-ийн Osmo Pocket загварын гимбалтай камеруудтай өрсөлдөхөөр зургаадугаар сараас хойш бий болсон Insta360 Luna Ultra юм. Мэтт Биндер уг төхөөрөмжийг аялалд авч явахад хамгийн тохиромжтой камер хэмээн тодорхойлсон бөгөөд Mashable-ийн Аманда Йеогийн нийтэлсэн өндөр үнэлгээ бүхий бүтэн тоймтой санал нэг байгаагаа илэрхийлжээ.
Авсаархан загвар ба өндөр чанар
Insta360 Luna Ultra нь авсаархан хэмжээтэй тул үүргэвчийн хажуугийн халаасанд хийх, жижиг цүнхэндээ авч явах эсвэл зүгээр л гартаа барихад маш эвтэйхэн аж. Камерын суурилуулсан гимбал нь алхаж байхдаа бичлэг хийхэд тохиромжтой бөгөөд дүрсний тогтворжуулалт нь мэргэжлийн түвшний төхөөрөмжөөр бичсэн мэт харагдуулдаг байна. Түүнчлэн киноны мэт дүрсний чанартай тул овор ихтэй DSLR болон тольгүй камер, олон төрлийн линз, дагалдах хэрэгслүүдийг авч явах шаардлагагүй болжээ.
Алсын удирдлага ба бусад давуу тал
Тус төхөөрөмж нь хос линзийн системтэй бөгөөд 12 дахин хүртэлх томруулалт (zoom) хийх боломжтой юм. Мөн дэлгэц нь салдаг бөгөөд алсын удирдлага болон зөөврийн микрофон болж ажилладаг нь камераа тодорхой зайд байрлуулан өөрөө удирдах боломжийг олгодог байна. Энэ нь аялж явах үед бусдаас зураг авч өгөхийг гуйх шаардлагагүйгээр өөрөө хүссэн зураг, бичлэгээ хийхэд маш чухал шийдэл болжээ.
