АНУ-ын ерөнхийлөгч асан Барак Обама HBO сувгийн алдартай инээдмийн цуврал болох Ларри Дэвидийн "Life, Larry, and the Pursuit of Unhappiness" шоуны төгсгөлийн ангид зочноор оролцлоо.
Тэрээр шоуны үеэр олон нийтийн дунд багагүй маргаан дагуулж, нэлээд хугацаанд яригдсан өөрийн бор өнгийн хослолын талаарх асуултад хариулт өгсөн байна. Обама энэ талаар ярихдаа: "Хүмүүс надаас энэ бор хослол хаанаас гарч ирсэн юм бэ гэж байнга асуудаг. Энэ бүхний үнэн мөнийг дэлгэх цаг нь болсон гэж бодож байна" хэмээн хошигнон өгүүлжээ.
АНУ-ын ерөнхийлөгч асан хүний хувьд албан ёсны арга хэмжээнүүд дээр ихэвчлэн бараан өнгийн хувцас өмсдөг уламжлалыг эвдэн, бор өнгийн хослол өмссөн нь тухайн үедээ олон нийтийн сүлжээ болон хэвлэл мэдээллийн хэрэгслээр багагүй шуугиан тарьж байсан билээ. Энэ удаагийн шоуны төгсгөлийн ангид түүний хэлсэн үг нь тус маргааныг дахин нэг удаа инээдмийн өнгө аясаар хөндсөн үйл явдал боллоо.
