Одоогоор биткойны ханш 63,600 ам.доллар орчимд тогтвортой байна. Энэхүү нөхцөл байдал нь Япон улс иенийн ханшийг дэмжих зорилгоор зах зээлд их хэмжээний оролцоо хийсэнтэй давхцаж байна.
Мэдээллийн эх сурвалжийн мэдээлснээр, Япон улс иенийг худалдан авахад 36.6 тэрбум ам.доллар зарцуулсан байж болзошгүй байна. Энэ нь 1998 оноос хойш АНУ болон Япон улс хамтран иенийн ханшийг дэмжихээр хийсэн анхны томоохон арга хэмжээ болж байгаа юм. Энэхүү үйл ажиллагаа нь иенийн ханшийн уналтыг сааруулах зорилготой ажээ.
Криптовалютын Bitget Wallet платформын шинжээч Алвин Кан-ийн үзэж байгаагаар, энэхүү хамтарсан алхам нь ханшийн огцом, эмх замбараагүй уналтыг удаашруулах боломжтой боловч зах зээлийн ерөнхий чиг хандлагыг бүхэлд нь өөрчлөхгүй байх магадлалтай байна. Одоогоор хөрөнгө оруулагчид иенийн ханштай холбоотой "carry-trade" буюу хүүгийн зөрүүгээс ашиг олох стратегид суурилсан эрсдэлээс болгоомжилж байна.
