Хиймэл оюун ухааны салбарын томоохон компани болох Nvidia болон бусад технологийн хувьцаануудын ханш огцом унасан хэдий ч Биткойны зах зээлийн үнэлгээ харьцангуй тогтвортой байна. Криптовалютын зах зээлийн гол үзүүлэлт болох Биткойн 65,000 ам.долларын орчимд тогтвортой үргэлжилж байгааг CoinDesk мэдээлжээ.
Шинжээчдийн үзэж буйгаар, энэ долоо хоногт болох АНУ-ын Холбооны нөөцийн сангийн (Fed) хурлаас гарах шийдвэр нь Биткойны ханшийн цаашдын чиг хандлагыг тодорхойлох чухал хүчин зүйл болох төлөвтэй байна. Энэхүү шийдвэр нь Биткойны ханш өсөлтөө үргэлжлүүлэх эсвэл зургадугаар сарын хамгийн доод түвшин рүүгээ эргэн унах эсэхийг шийдвэрлэх боломжтой гэж зах зээлийн шинжээчид таамаглаж байна.
