Бразилийн поп дуучин Луиса Сонза Бельги улсад зохион байгуулагдсан алдарт Tomorrowland наадмын тайзнаа анх удаа гарчээ. Тэрээр долдугаар сарын 24-ний баасан гарагт Голландын электро хөгжмийн Kris Kross Amsterdam хамтлагийн тоглолтын үеэр гэнэт үзэгдсэн байна.
Тэд наадмын гол тайзнуудын нэг болох The Great Library дээр Францын дуучин, продюсер Вилли Уильямтай хамтран бүтээсэн "My Oh My" дуугаа анх удаа амьдаар үзэгчдэд хүргэжээ. Энэхүү хамтын ажиллагаа нь Kris Kross Amsterdam болон Вилли Уильям нар Q Music Awards наадмын тайзны ард уулзсаны дараа эхэлсэн түүхтэй. Дууны хоолойг гүйцээх хүнийг хайж байсан DJ-нүүд Сонзаг урьснаар тэрээр өөрийн поп хэв маягийг уг бүтээлд оруулсан байна.
Луиса Сонза Billboard Brazil сэтгүүлд өгсөн ярилцлагадаа "200 гаруй орны хүмүүсийг нэгтгэдэг энэхүү наадамд Бразилийн поп хөгжмийг төлөөлж байгаадаа маш их баяртай бөгөөд нэр төрийн хэрэг гэж үзэж байна" хэмээн сэтгэгдлээ хуваалцжээ.
Луиса Сонза нь өмнө нь PRETTYMUCH, Данна Паола, Аитана, Кэти Перри зэрэг олон улсын уран бүтээлчидтэй хамтран ажиллаж, Бразилаас гадна өөрийн орон зайг тэлсээр ирсэн туршлагатай уран бүтээлч юм.
