АНУ-ын нийслэл Вашингтон хотын Үндэсний худалдааны төвд байрлах Линкольны дурсгалын усан санг дахин усгүйжүүлж, засварын ажил хийхээр болсон талаар албаныхан мэдээллээ. 609 метрийн урттай энэхүү тэгш өнцөгт хэлбэрийн усан санг 14.7 сая ам.долларын өртгөөр шинэчилснээс хэдхэн долоо хоногийн дараа усны өнгө өөрчлөгдөж, замаг ургаж, будаг нь хуурч эхэлсэн байна.
DC Water буюу Вашингтон хотын усны асуудал эрхэлсэн байгууллага тус усан санг усгүйжүүлэх зөвшөөрлийг даваа гарагт олгожээ. Засварын ажлыг гүйцэтгэсэн компани тус усан сангийн чанарын баталгаат хугацааны хүрээнд гарсан гэмтлүүдийг засахаа мэдэгдсэн байна.
Энэхүү үйл явдлын дундуур АНУ-ын Ерөнхийлөгч Дональд Трамп усан санд хохирол учруулсан тохиолдолд холбогдох этгээдүүдийг шоронд хорих хүртэл арга хэмжээ авна хэмээн сүрдүүлжээ. Одоогоор засварын ажил хэзээ дуусах болон бусад дэлгэрэнгүй мэдээлэл тодорхойгүй байна.
