Венесуэл улсад болсон хоёр удаагийн хүчтэй газар хөдлөлтийн улмаас амиа алдсан иргэдийн тоо бямба гарагийн байдлаар 1,430-д хүрлээ. Гамшгийн улмаас сая сая хүн ариун цэврийн байгууламж болон наад захын хэрэгцээт зүйлсийн дутагдалд ороод байгаа нь тогтоогджээ.
Орон нутгийн удирдлагуудын авч хэрэгжүүлж буй арга хэмжээнд олон нийт ихээхэн бухимдалтай байгаа юм. Энэхүү нөхцөл байдалтай холбогдуулан АНУ-ын дэмжлэгтэйгээр түр удирдагчаар ажиллаж буй Делси Родригес мэдэгдэл хийхдээ, улс орон нь энэ хүнд цаг үед “ганцаараа үлдээгүй” хэмээн онцолжээ.
Одоогоор АНУ-ын тусламжийн эхний нисэх онгоцууд Каракас хотод газардсаар байна. АНУ-ын талын мэдээлснээр, Симон Боливар олон улсын нисэх онгоцны буудлын нэг зурвас ашиглалтад орсон бөгөөд АНУ-ын цэргийн C-17 онгоцууд тусламжийн бараа хүргэн газардсаар байгаа аж. Түүнчлэн, тусламжийн ажиллагаанд тэнгисийн цэргийн хөлөг онгоц ч оролцож байна.
