Венесуэл улсад болсон хоёр удаагийн хүчтэй газар хөдлөлтийн улмаас амь эрсэдсэн болон бэртэж гэмтсэн хүмүүсийн тоо нэмэгдсээр байна. Тус улсын үүрэг гүйцэтгэгч ерөнхийлөгчийн мэдээлснээр, байгалийн энэхүү гамшгийн улмаас одоогоор 32 хүн амиа алдаж, 700 орчим хүн бэртэж гэмтжээ.
АНУ-ын Геологийн албаны мэдээлснээр, тус улсад 7.2 болон 7.5 магнитудын хүчтэй газар хөдлөлтүүд нэг минутаас бага хугацааны зайтай дараалан тохиолдсон байна. Эдгээрээс хоёр дахь нь буюу 7.5 магнитудын хүчтэй газар хөдлөлт нь 1900 оноос хойш тус улсад бүртгэгдсэн хамгийн том газар хөдлөлт болж байна.
