Венесуэлийн ерөнхийлөгч асан Николас Мадуро ирэх долоо хоногт болох улс төрийн яриа хэлэлцээг дэмжиж байгаагаа мэдэгдлээ. Одоогоор АНУ-д хоригдож буй тэрээр өөрийн албан ёсны Telegram сувгаар дамжуулан энэхүү байр сууриа илэрхийлсэн байна.
Түүний мэдэгдэлд дурдсанаар, Венесуэлийн түр засгийн газар болон сөрөг хүчний төлөөлөгчдийн хооронд АНУ-ын дэмжлэгтэйгээр зохион байгуулагдах уулзалт нь улс орны ирээдүйд чухал ач холбогдолтой юм. Николас Мадуро "Бид энх тайван, хамтын амьдрал, үндэсний эвлэрлийг бэхжүүлэхэд чиглэсэн аливаа яриа хэлэлцээний замыг талархан хүлээн авч байна" хэмээн онцолжээ.
Венесуэлийн төрийн эрхээс буусан ерөнхийлөгч АНУ-ын талд баривчлагдан Нью-Йорк хотод хоригдож байгаа билээ. Ирэх долоо хоногт болох уг уулзалт нь Венесуэлийн дотоод улс төрийн нөхцөл байдалтай холбоотой томоохон үйл явдал болох төлөвтэй байна.
