Ойрын жилүүдийн түүхэнд анх удаа Дани улс өөрийн хагас автономит нутаг дэвсгэр болох Гренланд руу хугацаат цэргийн алба хаагчдаа илгээж эхэллээ. Энэхүү алхам нь Данийн шинэчилсэн хугацаат цэргийн хөтөлбөрийн хүрээнд хэрэгжиж байгаа бөгөөд Арктикийн бүс нутаг дахь цэрэг, батлан хамгаалах хүчээ нэмэгдүүлэх зорилготой дохио болж байна.
Энэхүү шийдвэр нь АНУ тус арлыг өөртөө нэгтгэх тухай шаардлага, санаархлыг илэрхийлсний дараа гарч буйгаараа онцлог юм. Тодруулбал, АНУ-ын Ерөнхийлөгч Дональд Трамп үндэсний аюулгүй байдлын асуудлыг шалтгаан болгон дурдаж, Копенхагеныг Арктикийн батлан хамгаалалтыг үл тоомсорлосон хэмээн буруутгаж байсан бөгөөд Гренландыг худалдан авах сонирхлоо удаа дараа илэрхийлж байв.
Харин Дани улс болон Гренландын эрх баригчид АНУ-ын гаргасан энэхүү саналыг эрс няцаасан юм. Ийнхүү Дани улс стратегийн чухал ач холбогдол бүхий Арктикийн бүс дэх өөрийн оролцоо, хамгаалалтыг бататгах ажлыг бодитоор эхлүүлж байна.
