АНУ-ын ерөнхийлөгч Дональд Трамп 80 насны төрсөн өдрөө урьд өмнө байгаагүй өвөрмөц, тун ч ширүүн хэлбэрээр тэмдэглэн өнгөрүүллээ. Тус улсын түүхэн дэх хамгийн өндөр настай ерөнхийлөгчөөр ажиллаж буй Трамп өөрийн төрсөн өдрийг АНУ-ын тусгаар тогтнолын 250 жилийн ойн баяртай холбон, Цагаан ордны гаднах талбайд "UFC Freedom 250" хэмээх нүсэр арга хэмжээг зохион байгуулсан байна.
Энэхүү арга хэмжээний гол цөм нь "The Claw" хэмээн нэрлэсэн аварга том тор бүхий дэвжээнд болсон холимог тулааны (MMA) тэмцээн байв. UFC буюу Ultimate Fighting Championship нь дэлхийн хамгийн алдартай, мэргэжлийн холимог тулааны лиг юм. Нийт 60 сая ам.долларын өртөгөөр боссон энэхүү шоунд UFC-ийн 14 шилдэг тулаанч оролцож, үзэгчдийг суудлаас нь өндөлзүүлсэн ширүүн тулаануудыг үзүүлжээ. Цагаан ордны зүлгэн дээр цэргийн нисэх хүчний үзүүлбэр, нүсэр ёслолын буудлага зэрэг нь Трампын өвөрмөц хэв маягийг илтгэж байлаа.
АНУ-ын улс төрийн түүхэнд ерөнхийлөгчийн ордон дээр ийм төрлийн тулааны шоу зохион байгуулсан тохиолдол урьд өмнө гарч байгаагүй юм. Шүүмжлэгчид үүнийг хэтэрхий тансаг, улс төрийн шоу гэж үзэж байгаа ч Трампын дэмжигчдийн хувьд энэ нь түүний эрч хүчтэй, шийдэмгий зан чанарыг харуулсан үйл явдал боллоо гэж дүгнэж байна. Юутай ч, 80 насны босгон дээрээ ийнхүү дэлхийг шуугиулсан арга хэмжээ зохион байгуулсан нь Трампыг нас бол зүгээр л тоо гэдгийг батлахыг хүсэж буйг илтгэх мэт.
