АНУ-ын Ерөнхийлөгч Дональд Трамп Европын холбоог чиглэсэн худалдааны шинэ арга хэмжээ авахаар төлөвлөж байгаагаа мэдэгдлээ. Энэхүү алхам нь технологийн салбарын аварга Alphabet компанийн эзэмшдэг Google-д Европын холбооноос 1 тэрбум ам.доллар буюу 890 сая еврогийн торгууль ногдуулсантай холбоотой юм.
Баасан гарагт олон нийтийн сүлжээгээр дамжуулан байр сууриа илэрхийлэхдээ Ерөнхийлөгч Трамп АНУ-ын компаниудыг "дээрэмдэх" үйл ажиллагаа явуулж буй Европын холбооны эсрэг худалдааны мөрдөн байцаалт эхлүүлнэ гэдгээ онцолжээ. Түүний үзэж буйгаар энэхүү үйлдэл нь АНУ-ын татвар төлөгчдийн эрх ашигт сөргөөр нөлөөлж байна.
Трамп мэдэгдэлдээ, "Торгуулийн мөнгө бүрэн буцаагдах бөгөөд бид Европын бүтээгдэхүүнүүдэд их хэмжээний татвар ногдуулахаар төлөвлөж байна" хэмээн дурдсан байна. Тэрээр эдгээр арга хэмжээг боломжит хамгийн ойрын хугацаанд хэрэгжүүлэхээ илэрхийлжээ.
