АНУ-ын Ерөнхийлөгч Дональд Трамп даваа гарагт Цагаан ордны зууван танхимд болсон үйл ажиллагааны үеэр Их Британийн Ерөнхий сайд Кир Стармерын талаар байр сууриа илэрхийлжээ. Британийн Лейборист намын удирдагч Кир Стармер албан тушаалаасаа огцрохоо зарласны дараа Трамп түүнийг "өөрөө өөрийгөө ихэд хохироолоо" хэмээн мэдэгдсэн байна.
Трамп сэтгүүлчдэд өгсөн ярилцлагадаа Стармерыг "сайхан хүн" хэмээн тодорхойлсон ч түүний явуулж буй бодлогыг хүчтэй шүүмжилжээ. Тухайлбал, Их Британийн эрчим хүчний бодлогыг буруу удирдан чиглүүлж, Хойд тэнгисийн газрын тосны нөөцийг ашиглаагүй, мөн улс орон даяар "салхин сэнсүүдийг хаа сайгүй байрлуулсан" хэмээн буруутгасан байна.
Түүнчлэн АНУ-ын Ерөнхийлөгч Стармерыг цагаачлалын асуудал болон Вашингтонтой харилцах харилцаандаа алдаа гаргасан гэж үзэж байгаагаа илэрхийлжээ. Одоогоор Их Британийн тал энэхүү мэдэгдлийн талаар нэмэлт тайлбар өгөөгүй байна.
