АНУ-ын Холбооны нисэхийн удирдлагын газраас мэдээлснээр, тус улсын Ерөнхийлөгч Дональд Трампыг тээвэрлэж явсан цэргийн нисдэг тэрэг мягмар гарагт Риган Вашингтоны үндэсний нисэх онгоцны буудлаас хөөрч байсан зорчигч тээврийн онгоцтой хэт ойртсон байна.
Албаныхны мэдээлснээр, Ерөнхийлөгч болон түүнийг дагалдан явсан хүмүүс ямар нэгэн аюулд ороогүй ажээ. Гэсэн хэдий ч энэхүү үйл явдал нь олон нийтийн дунд томоохон асуултуудыг дагуулж байна. Ерөнхийлөгчийн Marine One нисдэг тэрэг ойр орчимд нь байх үед ердийн тохиолдолд арилжааны нислэгийн хөдөлгөөнийг түр зогсоодог журамтай байдаг. Гэтэл энэ удаад зорчигч тээврийн онгоцыг хөөрөхийг зөвшөөрсөн нь анхаарал татаж байгаа юм.
Энэхүү хэрэг нь өнгөрсөн нэгдүгээр сард цэргийн нисдэг тэрэг болон арилжааны онгоц мөргөлдөж, 67 хүн амиа алдсан эмгэнэлт ослын дараа гарч байгаагаараа олны анхаарлыг илүүтэй татаж байна. Одоогоор тухайн үед агаарын хөдөлгөөнийг яагаад зогсоогоогүй байсан талаар албаны мөрдлөг үргэлжилж байна.
