АНУ-ын Ерөнхийлөгч Дональд Трамп лхагва гарагт Европын Холбоотой хийх худалдаагаа зогсооно хэмээн сүрдүүллээ. Энэхүү мэдэгдэл нь Европын Холбоо Канадыг өөрийн анхны дэд гишүүн (associate member) болгох санал дэвшүүлсний дараа гарч буй хариу үйлдэл юм.
Европын комиссын тэргүүн Урсула фон дер Ляйен уг саналыг Канадын удирдагч Марк Карни Европын парламентэд үг хэлэхээс нэг өдрийн өмнө гаргаж ирсэн байна. Энэхүү алхам нь Трампын засаглал дор АНУ-аас ирж буй ширүүн хандлагаас Канад болон Европын Холбоо хоёул зайгаа барихыг зорьж буй үед өрнөж байна.
Трамп уг төлөвлөгөөний талаар сэтгүүлчдэд тайлбар өгөхдөө “Энэ бол инээдтэй хэрэг гэж би бодож байна” хэмээн мэдэгдэж, хэрэв тэд үүнийг хийвэл худалдааны харилцаагаа таслахаа илэрхийлжээ.
