FIFA-аас зохион байгуулж буй хөлбөмбөгийн дэлхийн аварга шалгаруулах тэмцээний шигшээ тоглолт Нью-Жерси хотын цэнгэлдэх хүрээлэнд болох гэж байна. Энэхүү түүхэн тоглолтын үеэр анх удаа Америкийн "Super Bowl" шоуны хэв маягийг санагдуулам томоохон хэмжээний завсарлагааны тоглолтыг зохион байгуулахаар болжээ.
Тоглолтын үеэр дэлхийд алдартай дуучид болох Justin Bieber, BTS, Madonna болон Shakira нар тайзнаа гарах бөгөөд тэдэнтэй хамт Burna Boy, удирдаач Gustavo Dudamel, PS22 найрал дууны хамтлаг, Coldplay хамтлагийн дуучин Chris Martin нар оролцох юм. Түүнчлэн "Sesame Street" болон "The Muppets" хүүхэлдэйн киноны дүрүүд ч энэхүү шоунд багтжээ. Энэхүү тоглолтыг Coldplay хамтлагийн ахлагч Chris Martin найруулж байна.
Тоглолтыг хэзээ үзэх вэ?
Испани болон Аргентины шигшээ багуудын тоглолт 7-р сарын 19-нд эхлэх бөгөөд завсарлагааны шоу нь тоглолтын явцаас хамааран ойролцоогоор 15:45-15:50 цагийн орчимд (ET цагаар) эхлэх төлөвтэй байна. Хөлбөмбөгийн дүрэмд завсарлагааг 15 минут гэж заасан байдаг ч энэхүү шоуны тайзыг засах, хураах ажиллагаанаас шалтгаалан завсарлагаа 30 минут хүртэл сунжирч болзошгүй байгаа нь зарим хөгжөөн дэмжигчдийн дунд шүүмжлэл дагуулаад байна. Тоглогчдын эрүүл мэндийн асуудлаас үүдэн олон улсын хөлбөмбөгийн холбоодын зөвлөл завсарлагааны хугацааг сунгахыг урьд нь эсэргүүцэж байсан түүхтэй.
Шууд дамжуулалт
Энэхүү тоглолтыг Fox суваг болон Fox Sports аппликейшнээр англи хэл дээр, харин испани хэл дээр Telemundo болон Peacock платформоор шууд хүлээн авч үзэх боломжтой. Энэхүү арга хэмжээ нь боловсрол болон хөлбөмбөгийн хөтөлбөрийг дэмжих зорилготой FIFA Global Citizen Education Fund-ыг дэмжих зорилготой бөгөөд тэмцээний тасалбар бүрээс 1 долларыг хандивлаж байгаа юм. Одоогоор тус санд 50 сая гаруй доллар цуглаад байна.
