Америкийн рок хөгжмийн ертөнцийн томоохон төлөөлөгчдийн нэг, The White Stripes хамтлагийн гитарчин Жэк Уайт (Jack White) хэмээх эрхэм Beatles хамтлагийн дууг ямар гайхалтай мэддэгийг харуулсан бичлэг сүүлийн үед цахим ертөнцөд шуугиан тариад байна.
Бичлэгт Жэк Уайт Beatles-ийн хэд хэдэн алдартай дуунуудыг сонсоод яг нэг секундын дотор шууд нэрлэж байгаа нь харагдаж байгаа юм. Жишээлбэл, “And Your Bird Can Sing”, “I’m Looking Through You” зэрэг сонгодог бүтээлүүдийг тэрбээр асуудалгүй таньж байна. Энэ нь түүний Beatles хамтлагт хэр их хайртай, тэдний хөгжмийг хэр гүн гүнзгий мэддэгийг харуулж байгаа хэрэг юм.
Жэк Уайт нь зөвхөн The White Stripes хамтлагаараа бус, мөн The Raconteurs, The Dead Weather зэрэг хамтлагуудаараа ч алдартай. Тэрээр хэд хэдэн удаа Грэммийн шагнал хүртэж байсан бөгөөд орчин үеийн рок хөгжмийн хамгийн нөлөө бүхий уран бүтээлчдийн нэг гэгддэг. Түүний Beatles-ийн дууг ийнхүү гарамгай мэддэг нь олон фэнүүдийг нь гайхшруулж, баярлуулж байгаа бололтой.
Beatles бол дэлхийн хөгжмийн түүхэнд асар том хувь нэмэр оруулсан, Английн домогт рок хамтлаг билээ. Тэдний бүтээлүүд өнөөдрийг хүртэл олон сая хүний зүрх сэтгэлд хоногшин үлдсэн хэвээр байгаа.
