Казахстан улсад ням гарагт болсон парламентын сонгуулиар тус улсын Ерөнхийлөгч Касым-Жомарт Токаевын холбоотнуудын тэргүүлдэг нам илт давуу ялалт байгуулсан байна. Энэ нь шинэ нэг танхимт парламентыг сонгох сонгууль байв.
Төрийн телевизээр зарласан санал хураалтын дараах санал асуулгын (exit poll) дүнгээс үзвэл "Адилет" нам 71.8 хувийн санал авчээ. Харин хөдөө аж ахуйн эрх ашгийг төлөөлдөг "Ауыл" нам 6.4 хувийн саналаар хоёрдугаар байрт бичигдсэн байна.
Энэхүү сонгуулиас хэдхэн цагийн өмнө Ерөнхийлөгч Токаев одоогийн бүрэн эрхийн хугацаагаа дууссаны дараа ч засгийн эрхэнд үлдэж магадгүй гэдгээ битүүхэн илэрхийлжээ. Тэрбээр “Би хуулийн дагуу дахин сонгогдох эрхтэй” хэмээн ярьсан байна.
