Коачелла хөгжмийн фестиваль (Coachella Valley Music and Arts Festival) нь Америкийн Калифорни мужид жил бүр зохион байгуулагддаг, дэлхийд нэр хүндтэй хөгжмийн наадмуудын нэг юм. Энэ жилийн фестивалийн хоёр дахь долоо хоногийн баасан, бямба гарагуудад болсон Жастин Бибер (Justin Bieber, Канадын поп од) болон Anyma (Италийн электрон хөгжмийн төсөл) нарын тоглолтууд шөнийн 01:00 цагийн хязгаарыг хэтрүүлсэн байна.
Индио хотын захиргаанаас Коачелла фестивалийг зохион байгуулагч Goldenvoice компанид нийт $40,000 гаруй долларын торгууль ногдуулжээ. Тодруулбал, Биберийн тоглолт баасан гарагт, Anyma-гийн тоглолт бямба гарагт тус тус шөнийн цагийн хязгаарыг хэтрүүлсэн байна.
Энэхүү торгууль нь Коачеллагийн хувьд том хэмжээний санхүүгийн дарамт биш байж болох ч, цаашид журмыг чанд сахих ёстойг анхааруулсан хэрэг болж байна. Фестивалийн зохион байгуулагчид ирэх жилээс эхлэн цагийн хуваарийг илүү нарийн төлөвлөж, уран бүтээлчдийг цагтаа багтаан тоглолтоо дуусгахыг шаардах болно гэж мэдэгджээ.
Залуус та бүхэн Коачелла фестивалийн талаар болон дуртай уран бүтээлчдийнхээ тоглолтын талаар ямар бодолтой байгаагаа сэтгэгдэл хэсэгт хуваалцаарай.
