Колумбын шинэ Ерөнхийлөгч Абелардо де ла Эсприелла бямба гарагт АНУ-ын Ерөнхийлөгч Дональд Трампад хандан, тус улсад ногдуулаад буй импортын татварыг түр хугацаанд түдгэлзүүлэхийг уриаллаа. Өмнөд Америкийн энэхүү улс нь одоогоор олон хүний аминд хүрсэн газар хөдлөлтийн дараах хохирлыг даван туулахаар тэмцэж байгаа юм.
АНУ-аас Колумбын бүтээгдэхүүнд ногдуулах татварын хэмжээг долоодугаар сарын сүүлээр 10 хувиас 12.5 хувь болгон нэмэгдүүлээд байсан бөгөөд үүнд кофе, газрын тос зэрэг цөөн хэдэн бараа бүтээгдэхүүн хамрагдаагүй байна.
Энэ талаар тус улсын төрийн тэргүүн мэдэгдэхдээ, бизнесийн салбараа дэмжих зорилгоор Колумбын бүтээгдэхүүнд сөргөөр нөлөөлж буй өндөр татварыг түр хугацаанд царцаах асуудлыг авч үзэхийг АНУ-ын Ерөнхийлөгчөөс хүссэн гэжээ.
