Өмнөд Америкийн Колумб улсад томоохон дэд бүтцийн төсөлтэй холбоотой авлигын асуудал анхаарал татаж байна. Тус улсын нийслэл Богота хотын метроны бүтээн байгуулалтыг гүйцэтгэж буй Хятадын төрийн өмчит компанийн удирдах ажилтнуудтай холбоотой гомдлыг прокурорын байгууллагаас шалгаж эхэлжээ.
Хэрэгт дурдсанаар, Хятадын гүйцэтгэгч компанийн удирдах албан тушаалтан төслийн туслан гүйцэтгэгч орон нутгийн компаниас хийсэн ажлынх нь төлбөрийг олгохын тулд бэлэн мөнгө шаардсан гэх мэдээлэл гарсан байна. Улмаар уг удирдах ажилтан бэлэн мөнгө авч байгаа нь дүрс бичлэгт үлдсэн нь шалгалтын үндэслэл болжээ.
Энэхүү хэрэг нь Латин Америк дахь гадаад харилцаа болон томоохон төслүүдийн хүрээнд өрнөж буй анхаарал татсан үйл явдлуудын нэг болж байна. Тухайлбал, сүүлийн үед Бразилын Хятадаас авч буй зээл болон АНУ-ын экс ерөнхийлөгч Дональд Трамп Латин Америкийн есөн орны талаар хийсэн мэдэгдэл зэрэг бүс нутгийн харилцаатай холбоотой олон чухал асуудлууд яригдаж байгаа юм.
