Дэлхийн поп хатан хаан гэгддэг Мадонна (Madonna) удахгүй шинэ цомог гаргахаар зэхэж байна. Тэрээр “Confessions II” нэртэй цомгоо долдугаар сарын 3-нд олон нийтэд хүргэхээр төлөвлөж байгаа бөгөөд энэхүү цомгийн хүрээнд Солонгосын алдарт DJ Пэгги Гоутай (Peggy Gou) хамтран ажиллахаар болжээ.
Пэгги Гоу бол Өмнөд Солонгосын DJ, продюсер бөгөөд тэрээр дэлхийн электрон хөгжмийн ертөнцөд өөрийн гэсэн өнгө төрхтэйгээр танигдсан нэгэн юм. Түүний хит болсон дуунуудаас “Starry Night”, “(It Goes Like) Nanana” зэргийг дурдаж болно.
“I Feel So Free” дууны ремикс хувилбар нь Мадоннагийн шинэ цомогт багтах бөгөөд энэ нь хоёр алдартай уран бүтээлчийн хамтын ажиллагаа гэдгээрээ хөгжмийн ертөнцөд шуугиан тарьж байна. Мадоннагийн шүтэн бишрэгчид болон Пэгги Гоугийн фэнүүд энэхүү дууг тэсэн ядан хүлээж байгаа бөгөөд энэ нь зуны хит дуу болох магадлалтай гэсэн таамаг дэвшүүлж байна.
Мадоннагийн “Confessions II” цомог нь түүний өмнөх “Confessions on a Dance Floor” цомгийн үргэлжлэл бөгөөд фэнүүддээ зориулсан бүжгийн хэмнэлтэй, эрч хүчтэй дуунуудаар дүүрэн байх болно гэж амлаж байна.
