Колумбын дуучин, дэлхийд алдартай Малума (жинхэнэ нэр нь Хуан Луис Лондоньо Ариас) “Loco x Volver” нэртэй шинэ цомгоо фэнүүддээ хүргэлээ. Түүний долоо дахь студийн цомог болох энэ бүтээл нь түүний хөгжмийн үндэс суурь болох Латин Америк, ялангуяа Колумбын хөгжмийн уламжлал руу эргэн хандсан явдал болж байна.
Малумагийн хувьд энэ цомог нь зөвхөн шинэ дуунууд багтсан бүтээл биш, харин өөрийн хөгжлийн замнал, уламжлалаа хүндэтгэсэн том алхам юм. Тэрээр цомогтоо Arcángel, Kany García, Ryan Castro зэрэг уран бүтээлчидтэй хамтран ажилласан бөгөөд энэ нь цомгийн хөгжмийн өнгө төрхийг улам баяжуулсан байна.
“Loco x Volver” цомог нь Малумагийн урьд өмнө гаргаж байсан уран бүтээлүүдээс ялгарах онцлогтой. Энэ цомогт түүний рэггетон болон поп хөгжмийн хэв маяг зонхилохын зэрэгцээ Колумбын үндэсний хөгжмийн хэмнэл, аялгуу мөн тусгалаа олсон байна. Фенүүд нь түүний энэ шинэ уран бүтээлийг маш ихээр хүлээж байсан бөгөөд одоо түүний хөгжмийн аянд умбах боломжтой боллоо.
Малумагийн шинэ цомог нь дэлхий даяарх хөгжим сонирхогчдын анхаарлыг татаж, түүний хөгжмийн карьертаа нэгэн шинэ хуудас нээж байна. Түүний энэ цомог нь Колумб үндэстний бахархал болж, залуу үеийнхэндээ урам зориг өгөх биз ээ.
