Америкийн алдарт кантри дуучин Марен Моррис шинэ синглээ фэнүүддээ хүргэлээ. “Parachute” хэмээх энэхүү дуу нь CBS телевизийн “Sheriff Country” хэмээх шинэ цувралд зориулагдсан бөгөөд Моррис өөрөө энэ цувралд зочин жүжигчнээр тоглох юм байна.
Марен Моррис нь Америкийн кантри хөгжмийн ертөнцөд өөрийн гэсэн өнгө төрх, хүчтэй хоолойгоороо танигдсан, Грэммийн шагналт уран бүтээлч билээ. Түүний дуунууд нь ихэвчлэн хайр дурлал, өөрийгөө нээх, амьдралын тухай өгүүлдэг бөгөөд залуу үеийнхний сэтгэлд гүн гүнзгий хүрдэг. "Parachute" дуу нь ч мөн адил, урам зориг өгч, өөртөө итгэх итгэлийг нэмэгдүүлэх зорилготой бүтээл болжээ.
Дууны үг нь хэцүү үед туслах хүн байгаагүй ч өөрийнхөө хүчээр бүхнийг даван туулж чадсан тухай өгүүлдэг. Моррис энэ дуугаараа хүн бүр өөрийнхөө амьдралын эзэн байж, зорилгодоо хүрэхийн төлөө тууштай байх ёстой гэдгийг сануулахыг хүсжээ. “Sheriff Country” цуврал нь энэ намраас эхлэн цацагдаж эхлэх бөгөөд Марен Моррисын тоглосон анги нь үзэгчдийг ихэд хүлээлгэж байгаа гэнэ.
