АНУ-ын улс төрч, Бүгд найрамдах намын томоохон төлөөлөгч Митч Макконнелл эмнэлгийн тусламж авч буй дүрс бичлэг олон нийтийн сүлжээнд тархлаа. CNN телевизийн олж авсан уг дүрс бичлэгт түүнийг Вашингтон хот дахь гэрээс нь эмнэлгийн дамнуурган дээр хэвтүүлэн авч гарч буй нь тодорхой харагдаж байна.
Эх сурвалжийн мэдээлснээр, тухайн үед үл таних хүн ухаан алдсан гэх дуудлага ирсний дагуу түргэн тусламжийн баг ажилласан байна. Бичлэг дээр түүнийг дамнуурган дээрээс түргэн тусламжийн машин руу шилжүүлэн суулгаж байгаа нь гардаг.
Митч Макконнелл нь АНУ-ын улс төрд олон жил нөлөө бүхий байр суурь эзэлж ирсэн улс төрч юм. Одоогоор түүний биеийн байдлын талаарх дэлгэрэнгүй мэдээлэл болон эмнэлэгт хүргэгдсэний дараах нөхцөл байдлын талаар албан ёсны нэмэлт мэдээлэл гараагүй байна.
