Монакогийн вант улсад даваа гарагийн орой дэлбэрэлт болж, Украины олигархи Вадим Ермолаев тэргүүтэй гурван хүн шархадсан талаар албаны эх сурвалжууд мэдээллээ.
Орон нутгийн цагаар 21:00 цагийн орчимд Франц улстай хил залгаа орших орон сууцны барилгад уг дэлбэрэлт болсон байна. Эрх баригчдын зүгээс үүнийг “санаатайгаар үйлдсэн” үйлдэл хэмээн тодорхойлж байгаа бөгөөд тус улсад ийм төрлийн хэрэг урьд өмнө гарч байгаагүй гэдгийг онцолжээ.
Шархадсан гурван хүний дунд өсвөр насны нэг хүүхэд байгаа аж. Мөрдөн шалгах ажиллагаатай ойр эх сурвалжийн мэдээлснээр, хохирогчдын нэг нь Украины нөлөө бүхий бизнесмэн Вадим Ермолаев болох нь тогтоогджээ.
Монакогийн Төрийн сайд Кристоф одоогоор хэргийн нөхцөл байдал болон хохирогчдын биеийн байдлын талаарх мэдээллийг үргэлжлүүлэн тодруулж байна.
