Арабын Нэгдсэн Эмират Улсын Дубай хотоос Израиль улсыг зорин нисэж байсан иргэний агаарын тээврийн онгоц лхагва гарагт Саудын Арабт ослын буулт хийсэн байна.
Уг явдлын улмаас онгоцыг барьцаалсан байж болзошгүй гэх болгоомжлол богино хугацаанд үүсэж, улмаар Израиль улс байлдааны сөнөөгч онгоцуудаа агаарт хөөргөхөд хүргэжээ.
Израилийн хэвлэлүүд аюулгүй байдлын албаны эх сурвалжийг эш татан мэдээлснээр, энэхүү явдал нь онгоцны хоёр нисгэгч хоорондоо маргалдсанаас үүдэлтэй байсан бөгөөд зорчигчид болон багийн гишүүд бүгд аюулгүй байгаа аж.
FlyDubai компанийн уг онгоц Саудын Арабын иргэний болон цэргийн бааз байрладаг Табук хотод газардсан байна.
