ОХУ-ын хамгийн том банк болох Сбербанк (Sberbank) криптовалютын арилжаа хийхэд зориулсан дэд бүтцийг байгуулахаар ажиллаж байна. Энэхүү төсөл нь 2024 оны 12-р сарын 1-нээс өмнө хэрэгжиж дуусах төлөвтэй байгаа юм.
Тус улс нь криптовалютын зах зээлд оролцогчдод зориулсан дүрэм журмыг тогтоох үйл явцыг эхлүүлээд байгаа бөгөөд үүний зэрэгцээ крипто хөрөнгийг гадаад худалдааны гүйлгээнд ашиглахыг зөвшөөрөхөөр төлөвлөж байна. Сбербанкны энэхүү алхам нь тус улсын санхүүгийн салбарт дижитал хөрөнгийн хэрэглээг нэмэгдүүлэх томоохон өөрчлөлтийн нэг хэсэг болох юм.
