Дэлхийн газрын тос олборлогч гурав дахь том орон болох ОХУ шатахууны нийлүүлэлтийн хомсдолд ороод байна. Украины зүгээс тус улсын газрын тос боловсруулах үйлдвэрүүдэд хийсэн халдлагын улмаас бензин болон дизель түлшний нийлүүлэлт тасалдаж эхэлжээ.
“Vedomosti” сонины мэдээлснээр, Оросын эрх баригчид үүсээд буй нөхцөл байдлыг зөөлрүүлэх үүднээс гадаадаас шатахуун импортлох, мөн үнийг барих зорилгоор татаас олгох зэрэг арга хэмжээг авч хэлэлцэж байна. Энэ талаарх мэдээллийг тус сонин нэрээ нууцалсан хоёр эх сурвалжид үндэслэн мягмар гарагт нийтэлжээ.
Одоогоор ОХУ-ын олон бүс нутагт шатахууны борлуулалтыг хязгаарлаж байгаа талаар мэдээлэл ирсээр байна. Түүнчлэн, шатахуун түгээх станцуудад урт дараалал үүсэж, газрын тосны бүтээгдэхүүний үнэ өсөж байгаа нь иргэдийн дунд ажиглагдаж байна. ОХУ нь газрын тос нийлүүлэгч гол тоглогчдын нэг хэдий ч дотоодын боловсруулах үйлдвэрүүд ийнхүү халдлагад өртсөн нь нийлүүлэлтийн сүлжээнд хүндрэл учруулж байна.
