Оюун ухаант хиймэл технологи (ОУХТ) бидний амьдралын бүхий л салбарт нэвтэрч байгаа энэ үед манлайллын тухай ойлголт эрс өөрчлөгдөж байна. Урьд нь манлайлагчид мэдлэг, бүтээмж, гүйцэтгэлээрээ бусдаас ялгарч, эрх мэдлийг олж авдаг байсан бол одоо нөхцөл байдал өөр болжээ.
ОУХТ нь санаа дэвшүүлэх, дүн шинжилгээ хийх, стратеги боловсруулах зэрэг ажлыг хэдхэн секундын дотор гүйцэтгэх чадвартай болсон. Тиймээс хурд, бүтээмж, гүнзгий ойлголт зэрэг нь манлайлагчдыг ялгаруулж байсан гол зүйлс байхаа больсон байна.
Fast Company сэтгүүлд бичсэнээр, ОУХТ-ийн боломжууд өргөжихийн хэрээр манлайлагчдын эзэмшсэн мэдээлэл биш, харин бусадтай харилцах чадвар, хамтын ажиллагааг хөгжүүлэх чадвар нь илүү чухал болж байна. Өөрөөр хэлбэл, манлайлагч хүн техникийн чадвараараа биш, харин бусдыг ойлгох, урамшуулах, нэгтгэх чадвараараа ялгарах болно.
Энэхүү өөрчлөлт нь залуу үеийнхэнд маш чухал ач холбогдолтой. Учир нь тэд ОУХТ-тэй хамтран ажиллаж, хүний хүчин зүйлийг нэмж чаддаг манлайлагч болохын төлөө хичээх хэрэгтэй болж байна. Тиймээс залуус техник технологийн мэдлэгээс гадна харилцааны ур чадвар, сэтгэл хөдлөлийн оюун ухаан, багаар ажиллах чадвараа хөгжүүлэхэд анхаарах хэрэгтэй.
Ирээдүйн манлайлагчид мэдээлэлд суурилсан шийдвэр гаргахын оронд хүмүүстэй харилцах, тэднийг ойлгох, урамшуулах замаар амжилтанд хүрэх болно. ОУХТ нь ажлыг хялбаршуулж байгаа ч хүний харилцаа, эмпатийн үнэ цэнийг орлохгүй.
