Франц даяар амьжиргааны өртгийг эсэргүүцсэн олон зуун мянган хүний жагсаал Бямба гарагт зохион байгуулагдах үеэр нөхцөл байдал хурцдаж, хүчирхийлэл болон хувирлаа.
Энэ үеэр нийслэл Парис хотод дэлгүүрийн цонх хагалж, хайрцагтай бараа бүтээгдэхүүнийг дээрэмдэх явдал гарсан байна. Хар юүдэнтэй цамц, баг зүүсэн эрчүүд дэлгүүрүүдийн төмөр хаалтыг хүчээр эвдэн орж, тамхи, нарны шил, хувцас, үнэт эдлэл болон хүнсний бүтээгдэхүүнийг тавиур дээрээс нь хоосолжээ.
Улс орон даяар эсэргүүцлийн хөдөлгөөн хүчирхийлэл болон хувирах үед дээрэм хийсэн этгээдүүдэд эрх баригчдын зүгээс ямар нэгэн эсэргүүцэл үзүүлээгүй байна. Тус улсад “хүлээн зөвшөөрөхийн аргагүй” хэмээн тодорхойлогдсон энэхүү хүчирхийлэл өргөн хүрээг хамарчээ.
