АНУ-ын Дээд шүүх мягмар гарагт Растафари шашинт нэгэн хоригдлын шоронгийн харгалзагчдын эсрэг гаргасан нэхэмжлэлийг хэрэгсэхгүй болгох шийдвэр гаргажээ. Луизиана мужийн шоронгийн ажилтнууд Дэймон Ландор гэгч хоригдлыг хүчээр дарж, шашны итгэл үнэмшлийг нь зөрчин үсийг нь хуссан байна.
Энэхүү хэрэг нь хоригдлуудыг шашны ялгаварлан гадуурхалтаас хамгаалах холбооны хуулийн хүрээнд шүүхэд очсон юм. Гэвч АНУ-ын Дээд шүүх 6-3 харьцаатай саналаар доод шатны шүүхийн гаргасан шийдвэрийг хэвээр үлдээв. Ингэснээр Дэймон Ландор нь шоронгийн хувь хүний эсрэг, тухайлбал уг харгалзагчдад холбогдуулан шүүхэд нэхэмжлэл гаргах эрхгүй гэж үзжээ.
Шүүхийн консерватив олонхын дэмжлэгтэйгээр гарсан энэхүү шийдвэр нь шоронгийн албан тушаалтнуудыг шашны итгэл үнэмшлийг зөрчсөн хэргээр хувь хүний хувьд шүүхэд татах боломжийг хааж байна.
