Дэлхийн алдарт дуучин, бизнес эрхлэгч Рианна болон түүний амьдралын хамтрагч, реппер A$AP Rocky нар Fenty Skin брэндийн шинэ сурталчилгаанд хамтдаа гарчээ. "DON'T BE DUMB, USE @fentyskin" нэртэй энэхүү нэг минутын бичлэг Рианнагийн Инстаграм хуудсанд нийтлэгдсэн байна.
Сурталчилгаанд реппер A$AP Rocky метроны зорчигчдод бараа зардаг худалдаачны дүрд тогложээ. Тэрээр гоо сайхны салонд гэнэт орж ирэн, пальтоныхоо дотор талд өрөөстэй байгаа Fenty Skin бүтээгдэхүүнүүдээ танилцуулж эхэлдэг. Тэрээр өөрийн дөрөв дэх студийн цомог болох "Don't Be Dumb"-той ижил нэртэй энэхүү сурталчилгаанд өөрийн бүтээгдэхүүнээ борлуулахыг хичээдэг байна.
Энэ үеэр Рианна түүнийг нэлээд таагүй харцаар хүлээн авч, түүнд ердөө хоёр секунд л цаг гаргахыг зөвшөөрчээ. A$AP Rocky үсэндээ ягаан өнгийн том бигуди зүүсэн сонирхолтой дүр төрхтэйгээр өдөр тутмын чийгшүүлэгч тос болон уруулын будгаа танилцуулдаг. Тэрээр SPF буюу нарны хамгаалалтын ач холбогдлыг тайлбарлах үед Рианна бүтээгдэхүүнийг сонирхон, эцэст нь бүгдийг нь худалдаж авахаар шийджээ.
Түүнчлэн A$AP Rocky ирэх сараас эхлэн Бельгийн Брюссель хотын ING Arena-д тоглолтоо эхлүүлэхээр төлөвлөж байна.
