Сар дэлхийг тойрон эргэх явцдаа нар болон дэлхийн байрлалаас шалтгаалан бидэнд харагдах хэлбэрээ байнга өөрчилдөг. NASA-гийн мэдээлснээр сарны энэхүү мөчлөг нь ойролцоогоор 29.5 хоног үргэлжилдэг байна.
Наймдугаар сарын 21-ний байдлаар сар тэргэл болох үе шат руугаа (Waxing Gibbous) шилжиж, гадаргынх нь 61 хувь дэлхийгээс тод гэрэлтэн харагдаж байна. Энэ үеэр сарны гэрэлтэй хэсэг шөнө бүр томорсоор байгаа бөгөөд дараагийн тэргэл сар наймдугаар сарын 28-нд тохиох юм.
Шөнийн тэнгэрт юуг харж болох вэ?
Өнөө шөнө сарыг ажиглахдаа ямар төхөөрөмж ашиглахаас шалтгаалан өөр өөр тогтоцуудыг харах боломжтой:
* Энгийн нүдээр: Тусгай хэрэгсэлгүйгээр сарны гадарга дээрх Mares Crisium, Serenitatis болон Fecunditatis хэмээх хэсгүүд харагдана.
* Дурангаар: Жижиг дуран ашиглавал Endymion тогоо, Альпийн нуруу (Alps Mountains) болон Archimedes тогоог илүү нарийвчлалтай тольдож болно.
* Телескопоор: Хэрэв танд телескоп байгаа бол Apollo 15 болон Apollo 17 хөлгүүдийн газардсан цэгүүд болон Rupes Altai хавцлыг ажиглах боломж бүрдэнэ.
Сарны найман үе шат
Сарны мөчлөг нарийн хавирган сарнаас эхлээд бүтэн дугуй болж, дараа нь буцаад багасдаг найман үе шаттай байдаг. Шинэ сар гарч эхлэх үед сар дэлхий, нар хоёрын дунд байрлах тул харанхуй буюу нүдэнд харагддаггүй. Үүний дараа баруун хэсэгтээ нарийн гэрэл үүсч, хагас сар, улмаар тэн хагасаас илүү хэсэг нь гэрэлтэх Waxing Gibbous шатанд шилждэг.
Бүрэн гэрэлтсэн тэргэл сар гарсны дараа гэрэл нь баруун талаасаа буурч эхлэн хагас болж, эцэст нь зүүн талдаа нарийн зураас болон үлдээд дахин шинэ мөчлөг эхэлдэг байна.
