АНУ-ын Сиэтл хотод болсон хоолны фестиваль үеэр аймшигт буудалцаан гарч, олон хүний амь нас эрсэдсэн хэрэг гарлаа. Цагдаагийн байгууллагаас мэдээлснээр, уг халдлагын улмаас гурван хүн амиа алдаж, дөрвөн хүн шархадсан байна. Шархадсан хүмүүсийн дунд 2 настай хүүхэд байгаа нь нөхцөл байдлыг улам хүндрүүлж байна.
Халдлага болсон газрын ойролцоо байсан хоолны худалдагч аюулгүй байдлаа хамгаалахын тулд сандран зугтаж буй дүрс бичлэг цахим орчинд тархжээ. Видео бичлэг дээр буун дуу гарах үед худалдагч хэрхэн нуугдаж, амь аврагдахыг хичээж буй нь тод харагдана.
Хууль сахиулагчид хэргийн газарт ажиллаж, мөрдөн шалгах ажиллагааг үргэлжлүүлж байна. Одоогоор халдлага үйлдсэн этгээд болон бусад дэлгэрэнгүй мэдээлэл тодорхойгүй байгаа бөгөөд цагдаа нар хэргийн шалтгааныг тогтоохоор ажиллаж байна.
