Найруулагч Майк Фланаган саяхан “Carrie” киноны шинэ хувилбараа танилцуулсан бол түүний дараагийн томоохон төсөл болох “The Exorcist: Martyrs” кино тун удахгүй үзэгчдэд хүрэхээр товлогджээ. Энэхүү бүтээл нь 1973 оны сонгодог киног дахин хийж буй хэрэг биш бөгөөд “The Exorcist” франчайзын дараагийн анги болж байгаагаараа онцлог юм. Түүнчлэн уг киноны продюсероор аймшгийн киноны алдартай продюсер, “Obsession” киног бүтээсэн Жэйсон Блум ажиллаж байна.
Киноны үйл явдалд жүжигчин Скарлетт Йоханссоны бүтээсэн цуврал алуурчны чиглэлээр мэргэшсэн мөрдөгч Жули Миллерийн тухай өгүүлнэ. Тэрбээр сүмийн зооринд үйлчлэгч хүү учир битүүлгээр амиа алдсан хэргийн мөрөөр орж, нууцлаг аллагыг мөрдөн шалгах явцдаа ер бусын хүчтэй нүүр тулах аж.
Түүнчлэн тус бүтээлд Чиветел Эжиофор, Лоренс Фишберн, Жон Легуизамо зэрэг жүжигчид тоглосон бөгөөд тэдний дүрүүд киноны трэйлерт багтжээ. “The Exorcist: Martyrs” кино ирэх гуравдугаар сарын 12-нд кино театруудаар нээлтээ хийнэ.
