Америкийн хөгжмийн ертөнцөд өөрийн гэсэн өнгө төрх, өвөрмөц хэв маягаар ялгардаг Стив Лэйси (Steve Lacy) шинэ цомог гаргахаар зэхэж буйгаа зарлаж, фенүүдээ баярлууллаа. Түүний гурав дахь студийн цомог “Oh Yeah?” нэртэйгээр энэ оны долоодугаар сард сонсогчдын хүртээл болох юм.
Энэхүү цомгийн анхны сингл болох “The Feeling” дууг тэрбээр саяхан цацсан бөгөөд уг дуу нь хайр дурлалын сэдэвтэй, түүний өөрийнх нь онцлогийг харуулсан уянгалаг бүтээл болжээ. Стив Лэйси нь “The Internet” хамтлагийн гишүүнээр уран бүтээлийн гараагаа эхэлж байсан бөгөөд бие даасан уран бүтээлчээр ажиллах хугацаандаа “Bad Habit”, “Dark Red” зэрэг хит дуунуудаараа олон улсад танигдсан юм. Тэрээр R&B, инди рок, фанк зэрэг жанруудыг хослуулсан өвөрмөц хөгжмийн хэв маягтай билээ.
“The Feeling” дуу нь түүний шинэ цомгийн өнгө аясыг илтгэсэн бөгөөд сонсогчдод хүлээлт үүсгэж чадлаа. Залуу үеийнхний дунд нэр хүндтэй түүний шинэ цомог хөгжмийн ертөнцөд ямар өөрчлөлт авчрахыг хүлээх л үлдлээ.
