Кино урлагийн ертөнцийн амьд домог, "Jurassic Park", "Schindler's List", "Jaws" зэрэг олон арван алдартай бүтээлээрээ дэлхий дахинд танигдсан найруулагч Стивен Спилберг Лондоны Сохо дүүрэгт байрлах "The Devonshire" пабад үйлчлүүлж байсан хүмүүсийг алмайрууллаа.
Тус пабад болж байсан асуулт хариултын тэмцээний үеэр Спилберг гэнэт гарч ирсэн бөгөөд тэрээр өөрийн кино уран бүтээлийн талаарх асуултуудыг оролцогчдоос асуусан байна. Түүнийг хараад пабад байсан хүмүүс эхэндээ итгэж ядан, гайхшралаа нууж чадаагүй аж. Найруулагч маш энгийн хувцасласан байсан бөгөөд тэмцээний уур амьсгалыг хөгжөөж, хөгжөөн дэмжигчидтэйгээ зураг авахуулахаас ч татгалзсангүй.
Энэхүү үйл явдлын талаар пабын ажилтнууд болон тухайн үед тэнд байсан хүмүүс сошиал медиагаар дамжуулан баяртай мэдээгээ хуваалцжээ. Спилберг шиг дэлхийн хэмжээний од ийм энгийн орчинд, тэр дундаа пабын тоглоомд оролцож байгаа нь хүмүүсийн хувьд мартагдашгүй дурсамж болсон нь лавтай. Тэрээр ямар нэгэн том арга хэмжээ эсвэл сурталчилгааны ажил бус, зүгээр л өөрийнхөө бүтээлүүдтэй холбоотой хөгжилтэй мөчийг шүтэн бишрэгчидтэйгээ хуваалцахаар шийдсэн нь олон хүний талархлыг хүлээж байна.
