АНУ-ын Техас мужийн Боловсролын зөвлөл төрийн өмчит сургуулиудын сургалтын хөтөлбөрт Библийн сургаалыг оруулах шийдвэрийг баасан гарагт гаргалаа. Энэхүү шийдвэр нь тус мужийн удирдлагууд боловсролын системд консерватив болон шашны үзэл баримтлалыг нэвтрүүлэх оролдлогын нэг хэсэг юм.
Бүгд найрамдахчуудын давамгайлсан тус зөвлөл 9-5 харьцаатай санал хураалтаар энэхүү өөрчлөлтийг баталсан байна. Санал хураалтад нэг гишүүн оролцоогүй бөгөөд нэг гишүүн санал өгөөгүй ажээ. Энэхүү шинэ хөтөлбөр нь 5 сая гаруй сурагчийг хамрах бөгөөд 2030 оноос эхлэн хэрэгжиж эхлэхээр төлөвлөгдсөн байна.
Техас муж нь өмнө нь төрийн өмчит бүх сургуульд Библийн "Арван зарлиг"-ийг ил тод байршуулахыг үүрэг болгосон байсан билээ. Одоогийн байдлаар сурагчдын унших ёстой номын жагсаалтад Библийн хэсгүүдийг албан ёсоор нэмж оруулаад байна.
