Америк хөлбөмбөгийн “Kansas City Chiefs” багийн тоглогч Трэвис Келси өөрийн “New Heights” подкастын лхагва гаргийн дугаараар 37 насны төрсөн өдрөө хэрхэн өнгөрүүлсэн талаараа ярьжээ.
Тэрбээр өөрийн төрсөн өдрөөр дуучин Тэйлор Свифттэй хамт Нью-Йорк хотын дуртай газруудынх нь нэг болох “Torrisi” ресторанд хооллож, амттан зооглосон байна. Түүний ах бөгөөд подкастын хамтран хөтлөгч Жейсон Келси түүнээс бялуу идсэн эсэхийг асуухад, тус ресторан маш олон төрлийн амттан гаргаж өгснийг хуваалцжээ.
Мөн Трэвис Келсийн төрсөн өдрийн өмнөх өдөр буюу аравдугаар сарын 5-ны даваа гарагт “Chiefs” баг “Las Vegas Raiders” багийг 30-27 харьцаатай хожсон байна. Тэрбээр “Хэрэв бид хожигдсон бол миний төрсөн өдөр баларах байлаа” хэмээн хошигножээ.
Үүнээс гадна тэд подкастын үеэр нэгэн шүтэн бишрэгчийнхээ өвсөөр хийсэн Хэллоуины чимэглэлийн зургийг үзэж сонирхсон байна. Уг чимэглэлд Трэвис болон Грэммийн 14 удаагийн шагналт түүний эхнэр Тэйлор нарыг өвсөөр дүрслэн хийсэн байжээ.
Сонирхуулахад, Трэвисын төрсөн өдөр тохиосон өдөр Тэйлор Свифтийн “Patient Zero” дуу Billboard Hot 100 чартыг тэргүүлж, түүний 16 дахь №1 дуу болсон юм.
