Дэлхийн хип хоп урлагийн түүхэн дэх хамгийн нөлөө бүхий уран бүтээлчдийн нэг болох Тупак Шакурын амь насыг бүрэлгэсэн хэргийн талаарх мэдээлэл олны анхаарлыг дахин татаж байна. Rolling Stone сэтгүүлийн мэдээлснээр, тус хэрэгт холбогдуулан Дуэйн "Кефф Ди" Дэвис гэгчийг албан ёсоор буруутгажээ.
Дуэйн Дэвист хүний амь насыг бүрэлгэсэн нэг зүйл ангиар ял төлөвлөөд байгаа бөгөөд түүнийг 1996 онд болсон Тупак Шакурын амийг бүрэлгэсэн буудалцааныг зохион байгуулсан гэж үзэж байгаа аж. Тухайн үед болсон уг халдлага нь рэп хөгжмийн ертөнцийг цочроосон томоохон үйл явдал байсан юм.
Шүүхийн өмнө ирсэн Дуэйн Дэвис өөрт нь тулгасан ялыг хүлээн зөвшөөрөөгүй бөгөөд гэм буруугүй хэмээн мэдүүлжээ. Одоогоор уг хэргийн шүүх ажиллагаа үргэлжилж байгаа бөгөөд түүнийг зэвсэг хэрэглэн хүний амь насыг хохироосон гэх үндэслэлээр шалгаж байна.
