Уганда улсын нийслэл Кампала хотод байрлах хүүхдийн цэцэрлэгт дөрвөн хүүхдийг хөнөөсөн Уганда-Америкийн иргэн Кристофер Окелло Оньумд цаазаар авах ял оноосон байна. Хэрэг өнгөрсөн дөрөвдүгээр сарын 2-нд болсон бөгөөд Оньум хүүхдүүдийг хөнөөгөөд зугтах гэж байхад нь баривчилжээ. Амиа алдсан хүүхдүүд 15 сартайгаас хоёр нас хагас хүртэлх насны балчир хүүхдүүд байсан юм.
Прокурорын мэдүүлснээр Оньум гэмт хэргээ хүлээсэн бөгөөд “хүнийг золиослох” нь түүнийг баян болгоно гэж итгэж байсан гэнэ. Тэрээр Уганда болон АНУ-ын иргэншилтэй. Хэргийн шүүх хуралдаан пүрэв гарагт болж, шүүхээс цаазаар авах ял оноосон байна. Угандад цаазаар авах ял хуулиараа хүчинтэй боловч сүүлийн жилүүдэд цаазаар авах ялыг хэрэгжүүлэх нь ховорджээ.
Энэхүү хэрэг нь Угандад төдийгүй олон улсад хүчтэй цочрол үүсгэсэн бөгөөд хүүхдийн эсрэг хүчирхийллийн асуудлыг дахин хөндөж байна. Олон нийт хүүхдийн аюулгүй байдлыг хангах, хүчирхийллээс урьдчилан сэргийлэхэд анхаарлаа хандуулахыг уриалж байна.
