АНУ-ын Флорида муж улсад “Залхуугийн Дэлхий” (Sloth World) хэмээх залхуу амьтдыг хамгаалах, үржүүлэх зорилготой газар нээгдэхээр төлөвлөгдөж байсан ч, харамсалтай үйл явдал тохиолдож нээлтээ хийж чадалгүй хаалгаа барихад хүрчээ.
Флоридагийн Зэрлэг Ан Амьтныг Хамгаалах Комиссоос (FWC) хийсэн шалгалтаар уг газарт байсан 31 залхуу амьтан нас барсан нь тогтоогджээ. Залхуу амьтдын үхлийн шалтгааныг одоогоор тодорхой болоогүй байгаа бөгөөд FWC-ийн зүгээс нарийвчилсан шалгалт хийж байгаа аж.
“Залхуугийн Дэлхий” нь жуулчдыг татах, залхуу амьтдын талаарх мэдлэгийг дээшлүүлэх зорилготой байгуулагдах гэж байсан юм. Гэвч амьтдын үхэл нь тус төслийг бүрэн зогсооход хүргэсэн байна. Энэхүү хэрэг нь амьтдыг хамгаалах байгууллагуудын анхаарлыг ихээхэн татаж, залхуу амьтдыг халамжлах, хамгаалах асуудлыг дахин хөндөж байна.
Залхуу бол Төв болон Өмнөд Америкт амьдардаг, удаан хөдөлгөөнтэй хөхтөн амьтан юм. Тэднийг устах аюулаас хамгаалах нь чухал бөгөөд энэ төрлийн харамсалтай хэрэг дахин гарахгүй байх ёстой. Хэргийн талаарх мэдээллийг uujim.com сайтаас цаашид хүлээн авч үзээрэй.
