Францын хоёрдогч шатны сургуулиудын сурагчид анги танхимын ачаалал хэтэрсэн, багш нарын хомсдол үүссэн болон барилга байгууламжийн нөхцөл муудсаныг эсэргүүцэн өргөн хүрээтэй жагсаал зохион байгуулж байна.
Энэхүү эсэргүүцлийн хөдөлгөөн Пүрэв гарагт улам ширүүсэж, сургуулиудын гадна талд гал тавих, хэд хэдэн хотод хаалт босгох зэрэг үймээн гарчээ. Үүний улмаас Пүрэв гарагийн байдлаар 160 гаруй сургууль хаагдаад байна.
Францад 15-аас 18 насны сурагчид ахлах боловсрол эзэмшдэг "лицей" сургуулиудаас эхэлсэн уг хөдөлгөөний үеэр хэдэн зуун хүнийг саатуулжээ. Түүнчлэн нийслэл Парис болон Марсель хотуудад их сургуулийн оюутнууд сурагчдын жагсаалд нэгдээд байна.
