«HIVE Digital Technologies» компанийн ТУЗ-ийн дарга Фрэнк Холмс хиймэл оюун ухааны (AI) салбарт шаардлагатай эрчим хүч, газар болон дэд станцууд нь биткойн олборлогчдод аль хэдийн бэлэн байгааг онцоллоо.
Тэрээр биткойн майнингийг «нэгдүгээр зэрэглэлийн» дата төв хэмээн нэрлэсэн бөгөөд урьд нь Эфириум олборлоход ашиглагдаж байсан график картууд (GPU) «HIVE» компанийг хиймэл оюун ухааны салбар руу хөтөлсөн туршлагыг тайлбарласан байна. Мөн түүний үзэж буйгаар Парагвайгаас Канад хүртэлх майнингийн дэд бүтцүүд дээр хиймэл оюун ухааны дараагийн үеийн төвүүд баригдах боломжтой аж.
Түүнчлэн Фрэнк Холмс төв банкуудын алт худалдан авалт, 100 их наяд ам.долларын мөнгө хэвлэлтийн эрсдэл, Биткойн болон алтны ач холбогдлын талаар ярилцлагадаа хөнджээ.
