Канадын эрх баригчид MV Hondius хөлөг онгоцоор аялж байсан дөрвөн хүнийг Ванкувер аралд тусгаарлаад байгаа бөгөөд тэдний нэгээс хантавирусын халдвар илэрсэн тухай BBC Health мэдээллээ.
Hантавирус нь мэрэгч амьтдаас хүнд халдварладаг вирус бөгөөд амьсгалын замын хүнд хэлбэрийн өвчин үүсгэдэг. Энэ вирусээр халдварласан хүмүүс халуурах, булчин өвдөх, толгой өвдөх зэрэг шинж тэмдэг илэрдэг. Хүнд тохиолдолд уушгины хаван үүсч, амь насанд хүрэх аюултай.
Хөлөг онгоцонд зорчиж байсан бусад зорчигчдыг ч мөн шалгаж байгаа бөгөөд холбогдох арга хэмжээг авч байгааг Канадын эрүүл мэндийн байгууллагууд мэдэгдсэн. Одоогоор халдвар авсан хүний биеийн байдал ямар байгаа талаар дэлгэрэнгүй мэдээлэл гараагүй байна.
Дэлхий дахинд, ялангуяа хөдөө орон нутагт хантавирусын халдвар гарах тохиолдол элбэг байдаг. Иймд аялагч залуус, ялангуяа байгалийн аялал хийхээр төлөвлөж байгаа бол мэрэгч амьтдаас хол байж, ариун цэврийг сайтар сахихыг анхааруулж байна.
