Хонг Конгийн Засаг дарга Жон Ли өөрийн бүрэн эрхийн хугацаан дахь сүүлийн бодлогын илтгэлээ бэлтгэх хүрээнд олон нийтийн санал асуулгыг эхлүүлээд байна. Тус улсад төрөлтийн түвшин буурсантай холбогдуулан иргэдийн саналыг сонсох нь чухал байгааг тэрээр онцолжээ.
Гол асуудлуудын нэг нь төрөлтийг дэмжих зорилгоор олгож буй мөнгөн урамшуулал юм. Уг хөтөлбөр нь аравдугаар сард дуусгавар болох гэж байгаа бөгөөд үүнийг үргэлжлүүлэх эсэх дээр иргэдийн байр суурийг сонсох нь чухал гэж үзэж байна. Жон Ли South China Morning Post сонинд өгсөн ярилцлагадаа, шийдвэр гаргахаасаа өмнө ард иргэдийнхээ "мэргэн санааг цуглуулах" төлөвлөгөөтэй байгаагаа илэрхийлжээ.
Төрөлтийг нэмэгдүүлэхэд орон сууцны чанар болон хүртээмж чухал үүрэгтэй гэж үзэж буй бөгөөд энэ чиглэлд анхаарал хандуулах шаардлагатай байгаа юм. Засаг даргын мэдээлснээр, Хонг Конг төрөлтийн хувьд тодорхой бууралттай тулгарсан байна.
