Дэлхийн эрчим хүчний тээвэрлэлтийн гол гарц болох Хормузын хоолойн нөхцөл байдал ээдрээтэй хэвээр байна. Доха хотноо Иран болон АНУ-ын хооронд өрнөсөн яриа хэлэлцээ ямар нэгэн тохиролцоонд хүрэлгүй өндөрлөсөн нь нөхцөл байдлыг улам хүндрүүллээ.
Талуудын хэлэлцээний гол сэдэв нь Ираны царцаагдсан хөрөнгийг чөлөөлөх асуудал байсан ч эцсийн шийдэлд хүрч чадаагүй юм. Үүний зэрэгцээ, зургаадугаар сарын 17-ны өдөр байгуулсан харилцан ойлголцлын санамж бичгийн (MOU) хүрээнд хүлээсэн үүргээ талууд хараахан биелүүлээгүй байна.
Тодруулбал, Иран улс хоолой дахь минжүүлэх үйл ажиллагааг эхлүүлээгүй байгаа бөгөөд Персийн булангаас гарахыг оролдсон хөлөг онгоцуудыг өөрийн зөвшөөрөлгүйгээр нэвтрүүлэхгүй байх, улмаар халдлага үйлдэх заналхийлэл гаргасаар байна. Ийнхүү хоёр улс санамж бичигт тусгагдсан гол үүргүүдээ биелүүлээгүй нь тус бүс нутаг дахь эрчим хүчний тээвэрлэлтийг стратегийн тодорхойгүй байдалд оруулж, ирээдүйг нь эргэлзээтэй болгоод байна.
