Хятад улсын дэд ерөнхий сайд Дин Сюэшян Ормузын хоолой дахь хямралын үед дэлхийн эрчим хүч болон бордооны зах зээлийг тогтворжуулахад Хятад улс идэвхтэй үүрэг гүйцэтгэж байгааг онцоллоо. Тэрээр даваа гарагт болсон Хятадын дөрөв дэх удаагийн арга хэмжээний нээлтийн үеэр үг хэлэхдээ, Хятад улсыг дэлхийн нийлүүлэлтийн сүлжээг эвдэн бусниулагч гэсэн Өрнөдийн орнуудын “шуугиан” үндэслэлгүй гэж мэдэгдэв.
Дин Сюэшян хэлэхдээ, “Хятадын үйлдвэрлэл хүнд хэцүү цаг үед ч тасалддаггүй, доголдолгүй ажиллаж байгаа нь тус улс дэлхийн нийлүүлэлтийн сүлжээнд оролцогч, бүтээн байгуулагч, хамгаалагч гэдгийг бүрэн дүүрэн нотолж байна” гэв. Хятад улс дэлхийн нийлүүлэлтийн сүлжээний тогтвортой байдлыг хангахын тулд өөрийн үүргээ гүйцэтгэж байгаа гэдгийг тэрээр дахин нотолсон байна.
